კოლეჯმა, პროფესიული მომზადებისა და პროფესიული გადამზადების პროგრამებზე მოიპოვა პროფესიული უნარების სააგენტოს დაფინანსება. ეს პროგრამებია:
„მეცხოველეობა- მსხვილფეხა რქოსანი პირუტყვის მოვლა-შენახვა“ (მომზადებისპროგრამა- ხანგრძლივობა 12 თვე)
„მსხვილფეხა რქოსანი პირუტყვის ნორმირებული კვება“ (გადამზადების პროგრამა ხანგრძლივობა 2 თვე),,მსხვილფეხა რქოსანი პირუტყვის გავრცელებული დაავადებების ამოცნობა და მათი მართვა“ (გადამზადების პროგრამა-ხანგრძლივობა 2 თვე)
აღნიშნულ პროგრამებზე 7 ოქტომბრიდან დაიწყო რეგისტრაცია და გაგრძელდება 21 ოქტომბრის ჩათვლით.
რეგისტრაციის გავლა შეგიძლიათ ონლაინ საიტზე – https://vet.emis.ge/#/, ან ადგილზე კოლეჯში.
პროგრამების განხორციელების მიზანია, საქართველოში, კერძოდ, რაჭა-ლეჩხუმ, ქვემო სვანეთისა და იმერეთის რეგიონებში, თანამედროვე, შვეიცარიული სტანდარტის შესაბამისი მესაქონლეობის სასწავლო პროგრამების დანერგვა, მეცხოველეობის სფეროში, ადგილობრივი ფერმერების კომპეტენციის ამაღლება, რაც დადებითად აისახება მათი პროდუქციის ხარისხის გაუმჯობესაბასა და შემოსავლების გაზრდაზე. პროგრამების განხორციელება ასევე მიზნად ისახავს, მეცხოველეობის მიმართულებით ისეთი სამუშაო ძალის განვითარებას, რომელიც კერძო სექტორის საჭიროებებსა და ეროვნულ და საერთაშორისო სტანდარტებთან იქნება შესაბამისობაში.
სასწავლო სახელმძღვანელო, პედაგოგების გადამზადება და პროგრამების მომზადებაშვეიცარიელი (HAFL და Schweizer Fleisch-Fachverband (SFF)) ექსპერტების ჩართულობით მოხდა.
სწავლების თეორიული ნაწილი ჩატარდება კოლეჯში, პრაქტიკულ კურსს კი ბენეფიციარები შვეიცარიულ-ქართული ხორცპროდუქტების კომპანია„ბლაუენშტაინის“ საფერმე დასაწარმოო ბაზაზე გაივლიან.
აღნიშნული ხორციელდება საგრანტო პროექტის „მესაქონლეობისპროფესიული მომზადების პროგრამების დანერგვა“ ფარგლებში, რომელსაც
„პროფესიული სწავლების მართვის ცენტრი“ „გუდავაძე-პატარკაციშვილის ფონდის“ფინანსური მხარდაჭერით ნერგავს.
Gudavadze Patarkatsishvili Foundation
