კოლეჯი „ერქვანი“, კომპანია „ბლაუენშტაინთან“ ერთად, მეცხოველეობის მიმართულებით შვეიცარიული სტანდარტით შექმნილი და საქართველოში ავტორიზებული პროფესიული მომზადების და გადამზადების პროგრამების განხორციელებას იწყებს.

საქართველოს გარემოს დაცვისა და სოფლის მეურნეობის სამინისტროსა და ეროვნულ სატყეო სააგენტოსთან პარტნიორობით, კოლეჯი ,,ერქვანი” ახორციელებს პროფესიული მომზადება/გადამზადების პროგრამას ,,ხე-ტყის დამზადება”. კოლეჯი განაგრძობს აქტიურ მონაწილეობას სატყეო სექტორის განვითარებაში, რისთვისაც  დაიწყო  ახალი პროფესიული საგანმანათლებლო პროგრამის – „სატყეო საქმე“  ავტორიზაციის გზით დამატების პროცედურები, რომელიც ახალგაზრდებს მისცემს შესაძლებლობას, დაეუფლონ თანამედროვე ცოდნასა და პრაქტიკულ უნარებს ტყის მართვის სფეროში.
 პროგრამის წარმატებული განხორციელებისთვის, გერმანიის საერთაშორისო თანამშრომლობის საზოგადოებამ (GIZ), პროექტის „საქართველოს სოციალური და ეკონომიკური განვითარების ხელშეწყობის“  ფარგლებში, კოლეჯს გადასცა მინიბუსი.
ახალი ტრანსპორტი პროფესიულ სტუდენტებს საშუალებას მისცემს  გადაადგილდნენ პრაქტიული სწავლების სხვადასხვა ობიექტზე(სასწავლო-ადმინისტრაციული შენობა, ტყეკაფი, საქმიანი ეზოები) და უშუალოდ საწარმოო გარემოში მიიღონ პრაქტიკული გამოცდილება, რაც მნიშვნელოვნად გააუმჯობესებს სტუდენტთა პრაქტიკულ სწავლებას.